Herenegun jendarmeek atxilotu zituten lau gazteetako hiru aske daude, kargurik gabe. Alex Feldman atzo gauean utzi zuten libre, eta Haitz Agirrebarrena eta Jean-François Magis, berriz, gaur goizean. Asteartetik Pauen izan dituzte.

Laugarren atxilotua, Teo Salamon, Parisera eraman dute, Kazeta.eus-ek berri eman duenez.

EH Baik, Aitzinak eta Lurra eta Etxebizitza kolektiboak deituta, manifestazioa egingo dute larunbatean Baionan, errepresioa salatu eta konponbidea aldarrikatzeko.