NAIZ
BILBO

Bengoetxeak eta Untoriak lehen puntua poltsikoratu dute (22-9)

Pablo Berasaluze eta Aitor Zubieta garaituta, Oinatz Bengoetxeak eta Alvaro Untoriak lehen puntua eta urrats handia eman dute finalerako txartela lortzeko bidean.

Bizkaia frontoian jokatu dute partida. (Luis JAUREGIALTZO / ARGAZKI PRESS)
Bizkaia frontoian jokatu dute partida. (Luis JAUREGIALTZO / ARGAZKI PRESS)

Bengoetxea VI.ak eta Untoriak Berasaluze II.ari eta Zubietari 22-9 irabazita berenganatu dute Binakako Txapelketako finalerdietako lehen puntua,  Bilboko Bizkaia pilotalekuan jokatutako norgehaigokn.

Iragan asteko erakustaldiaren ondoren, aurrelari leitzarra oso maila onean egon da gaurkoan ere. Eta atzeko koadroak ederki zainduta izan ditu Untoriari esker. Errioxarrak bizkarra erakutsi dio behin eta berriro Zubietari, Oinatzi errematerako aukerak bata bestearen atzetik eduki eta aprobetxatu dituelarik.

Urdinen domeinuarekin Berasaluzek ez du aukera handirik izan. Nahiz eta partida hasieran maila onean aritu den, tantoak aurrera joan ahala desagertu egin da, eta Zubietak ere ez du lagundu, bere mailatik urrun.

Hala ere, lehen erdia borrokatua izan da, 11-8 joateraino. Baina ordutik aurrera, tanto bakarra egin dute gorriek. Finalerako aukerak oraindik badituzte, baina tanto gutxi eginda asko murriztu zaizkie.