NAIZ

Eibarrek Athletic gainditu du Ipuruan (2-0)

Saul Berjonek penaltiz egin du lehen gola eta Adrian Gonzalezek korner batean sartu du bigarrena. [Partidaren xehetasunak]

EIbar nagusitu da Ipuruan. (Gorka RUBIO / ARGAZKI PRESS)
EIbar nagusitu da Ipuruan. (Gorka RUBIO / ARGAZKI PRESS)

Eibarrek indartsu hasi du Liga eta bigarren partida irabazi du jarraian. Etxeko taldeak merezitasun osoz lortu ditu hiru puntuak Athleticek partida irabazteko ezer gutxi erakutsi baitu.

Joko ikusgarririk egin gabe, armaginak Athletic baino serioago aritu da defentsa lanean eta zuri-gorrien bi opari ondo baliatu ditu. Lehenengoa Laportek egin du baloia galduz eta ondoren penaltia eginez. Saul Berjonek ez du hutsik egin 33. minutuan.

Bigarren zatiaren hasieran, Valverdek ezker hegala aldatu du Ibai eta Lekue aulkian utziz, baina Eibarren gola iritsi da korner batean. Adrian Gonzalezek egin du bigarren zutoinean baloia buruz ukitu ondoren.

Athletic erantzun ezinik geratu da, Eibarrek sendo eutsi baitu atzealdean.