Landutako garaipena eskuratu du Athleticek Betisen aurkako partidan. Joseba Agirreren neskek etxekoen gol goiztiar bati egin behar izan diote aurre, Yiyik 15. minutuan Betisen gola egin eta gero. 

Baloia bilbotarrena izan da eta 39. minutuan ordura arte amaitu ezin izan duen jokaldia ederki amaitu du Yulema Corresek. Banakoarekin joan dira atsedenaldira. Eta banakoarekin amaituko zela zirudien, baina bigarren zatiaren azken hatsean Erika Vazquezek aurtengo lehen gola erdietsi du, hiru puntuak Bizkaiara eramanez.

Garaipen honekin sailkapeneko buru jarri dira, 10 punturekin eta Levanterekin berdinduta.