Ohar baten bitartez, AEBetako Estatu Departamenduko buruak, Mark Tonerrek, jakinarazi du Trump presidenteak baimena eman diola enpresa kanadarrari bi herrialdeen arteko mugan, Montanako estatuan, Keystone proiektua «eraiki, operatu eta mantentzeko».
Ordu gutxiren buruan Trumpek berak gaiari buruzko azalpen gehiago emango dituela adierazi du Etxe Zuriko eledun Sean Spicerrek.
TransCanadako presidenteak, Russ Girlingek, azpimarratu du AEBetako Gobernuaren erabakia «mugarri garrantzitsua» dela oliobidea eraikitzeko eta hura martxan jartzeko bidea errazten duela.
«Asko eskertzen diogu Trumpen Gobernuari ekimen hau berrikusi eta onartu izana», azaldu du Girlingek.
Aipatu petrolio-hodiak Kanadako Albertako hondar bituminosoetan izango luke hasiera eta Texaseko itsasertzeko findegietan bukaera. Egunero 830.000 upel garraiatzea da asmoa.
Urte luzez ekologistek proiektu honen aurka egindako protesten ondotik, Barack Obama presidenteak 2015ean baztertu egin zuen proiektua, honek ingurumenean izango lukeen eraginaren inguruko azterketa sakona egin eta gero.
Hala ere, boterera iritsi eta lau egunera, proiektua berrabiarazteko agindu exekutiboa sinatu zuen Donald Trumpek. Keystone XL oliobidearekin batera, ekologista eta indigenen protesten ondotik Obamak 2016ko abenduan bertan behera utzi zuen Dakota Access proiektua berpiztu zuen Trumpek.
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
