Beste 18 pilotarik aurrera egin dute Lau eta Erdiko Master Cup txapelketan

Lau eta Erdiko Laboral Kutxa Emakume Master Cup lehiaketa badoa aurrera poliki-poliki, eta asteburuan Lehen Mailako beste bi jardunaldi izan dira Oñatin. Guztira 27 pilotari irten dira kantxara zuriz jantzita eta horietatik 18k lortu dute hurrengo faserako sailkapena.

Aurrera egin duten pilotarien izenak hauexek dira: A multzoan Araitz Eizagirre (Zestoa) eta Ainhoa Berruete (Uharte); B multzoan Naroa Iturain (Iruñea) eta Maite Tolosa (Amezketa); D multzoan Nagore Aramendi (Azpeitia) eta Maddi Unanue (Azpeitia); E multzoan Naroa Agirre (Zestoa) eta Naroa Elizalde (Zubieta); F multzoan Malen Etxegarai (Oñati) eta Mireia Mugertza (Oñati); G multzoan Ohiane Orbegozo (Azpeitia) eta Maialen Ganzarain (Lizartza); H multzoan Maria Apalategi (Ikaztegieta) eta Ohiane Unanue (Ordizia); I multzoan Uxue Oses (Oñati) eta Uxue Zubizarreta; eta J multzoan Maite Iriarte (Azpeitia) eta Eneritz Arrieta (Azkoitia).

Kanpoan geratu direnak hauek: A multzoan Maialen Ezeolaza (Ormaiztegi); B multzoan Maddi Barrokal (Bergara); D multzoan Andrea Aldaregia (Iruñea); E multzoan Lara Ruiz (Eulate); F multzoan Carlota Albas (Zaragoza); G multzoan Ane Miren Mendiburu (Uharte); H multzoan Garazi Martinez (Naxara); I multzoan Onintza Egaña (Zestoa); eta J multzoan Alaitz Badiola (Azpeitia).

Elite Mailakoak, bihar Anoetan

Mailak koska bat gora egingo du bihar Anoetan, Elite kanporaketekin. 10.00etan hasita, A multzoan Patri Espinar (Usansolo), Leire Etxaniz (Markina) eta Miriam Arrillaga (Zubieta) neurtuko dira; B multzoan Leire Garai (Gasteiz), Arrate Bergara (Bergara) eta Ane Arteaga (Lasarte); D multzoan Maider Mendizabal (Anoeta), Maddi Mendizabal (Zaldibia) eta Miren Larrarte (Bidania); eta E multzoan Maite eta Olatz R. Larramendi (Eulate) eta Ainhoa Garmendia (Alegia).