Moañako bandera Urdaibaiek eraman du eta Zierbena izan da gaur bigarren. Lehia eta interesa, ordea, azken postuetan ere jarrita dago, edo azken postutik ihes egiteko saiakeran, gutxienez. Atzera pausoa eman du gaur San Juanek helburu hori lortze bidera. Gaur denborarik gehien berak behar izan du eta puntu bakarra gehitu du sailkapenera. Tiranek, berriz, Caboren denbora bera egin eta epaileek berdinketa ikusita biei hiruna puntu ematea erabaki dute, 11. postuari dagozkien bi puntuak banatu gabe.

Tras esta información, Tirán y Cabo recibirán la misma cantidad de puntos. El puesto posterior quedaría libre y sin puntuar #EuskoLabelLiga pic.twitter.com/GlScuHN9p4

— Eusko Label Liga (@actraineras) 2018(e)ko abuztuaren 25(a)

Juan Mari Etxabe (San Juan) aurten izaten ari diren zorte txarraz mintzatu da estropada amaituta eta igandeko estropadan jarri ditu begiak. Bertan erabakiko da Eusko Label ligako azken postua.

Denbora onenei dagokionez Urdaibaiek nagusitasun osoa erakutsi du. Ia bederatzira (+8,74) sartu da gaurko bigarren sailkatua, Zierbena. Orio izan da hirugarren (+11,10) eta bigarren txanda irabazi duen Santurtzi laugarren (+13,58). Gainerakoen sailkapena honakoa izan da: Ondarroa, Hondarribia, Kaiku, Donostiarra, San Pedro, Tiran eta Cabo, San Juan.

Goiko postuetan, beraz, Urdaibaik dagoeneko 178 puntu ditu eta Hondarribia 164rekin da bigarren. Zierbena gertu dute azken hauek, 161 punturekin.