GIPUZKOAKO II. ITZULIA PREST DA

Tolosako udaletxean aurkeztu zuten atzo Gipuzkoako II. Emakumeen Itzulia. Kadete, junior eta elite mailetan jokatzen den lasterketa ostiralean hasiko da Bergaran, 1,7 kilometroko erlojupeko motzarekin. Bigarren etapa Tolosan hasi eta amaituko da larunbatean, 33 km kadeteentzat eta 82,6 besteentzat. Eta proba igandean amaituko da Villabona eta Zizurkil arteko azken etaparekin: 30 km kadeteentzat eta 80 beste bi mailentzat. Leire Olaberria izan zen iaz lehen ekitaldiko irabazlea elite mailan.Andoni CANELLADA | ARGAZKI PRESS