Ohar bidez, LAB sindikatuak jakinarazi du astelehean Azkoitiako Ibarmia enpresan larri zauritu zen behargin mutrikuarra hil egin dela. Elgoibarko Betelu enpresako langilea, Ibarmiak azpikontratatutakoa, lau metroko altueratik erori zen.
Beharginaren senide eta lagunei elkartasuna adierazteaz gain, sindikatuak azpimarratu du «beste behin ere, azpikontratazioak dakarren prekarietateak heriotza sortarazten duen ekuazio makabroa bete» egin dela.
Kasu honetan, gainera, LABek istripuaren berri eman zuen arte, hura gertatu zenik ere zabaldu ez zela gogoratu du sindikatuak.
Istripua gertatu zen egun berean, Markel Olano Gipuzkoako ahaldun nagusia Ibarmia enpresan izan zela aipatuta, LABek adierazi du «larria» litzatekeela istripuaren berri eman ez izanak bisitarekin harremana izatea.
«Prekarietateak arduradun politikoak ditu. Prekarietatea baimendu, bultzatu eta inposatu egiten da. Sustatzen ari den enpresa ereduak,langileen arteko bereizketan, azpikontratazioa eta prekarietatean oinarritzen da, langileen osasunaren gainetik enpresen dibidenduak jartzen dira. Garaia da prekarietatea Euskal Herrian lehen mailako arazo politikoa bihurtzeko», gaineratu du sindikatu abertzaleak.
Sarduirenak «oso eroso dagoen baten hitzak» direla esan dute musika arloko dozenaka emakumek
Gatibu: «Haserrea guztiz ulertzen dugu, eta barkamena eskatzen dugu»
Seguridad investiga si el ertzaina que trabaja con Desokupa incurre en una incompatibilidad
Gasteiz retira banderolas con la Estrella de David del montaje del mercado medieval
