Gula eta aguakate entsalada

LEHENENGO ERA
Osagaiak 4 lagunentzat
Uraza desberdinak, 12 tomate cherry, 2 aguakate, 150 g perretxiko, 200 g gula, 2 tipula, baratxuri ale bat. Saltsa: 9 koilarakada olio, 2 koilarakada ozpin, gatza.

Zailtasuna                        2              

1. Eltze batean zerrenda finetan moztutako tipulak olio pixka batekin erregosi, su eztitan.
2. Tomateak erditik moztu.
3. Zartagin batean txikitutako baratxuria olio pixka batekin erregosi.
4. Tiratan moztutako perretxikoak gehitu eta erregosi.
5. Gulak gehitu eta arin erregosi.
6. Uraza garbitu eta zatitu.
7. Aguakateak zuritu eta zerrendatan moztu.
Plateretan hurrenez hurren uraza,  tomatea, perretxikoak, aguakatea, gulak eta tipula. Gainetik irabiatutako saltsa bota.

BIGARREN ERA
Osagaiak 4 lagunentzat
Uraza, 2 aguakate, baratxuri ale bat, 200 g gula, 2 tomate, 250 g ahuntz gazta errulo. Saltsa: 9 koilarakada olio, 2 koilarakada ozpin, gatza.

Zailtasuna                        2              

1. Tomatea zuritu eta dadotan moztu. Olioarekin erregosi.
2. Txikitutako baratxuria olio pixka batekin erregosi. Gulak gehitu eta arin erregosi.
3. Aguakateak zuritu eta dadotan moztu.
Plateretan hurrenez hurren uraza,  tomatea, aguakatea, gulak eta moztutako gazta jarri. Gainetik irabiatutako saltsa bota.