Beteriko urraburua erreta tomaterekin

LEHENENGO ERA
Osagaiak 4 lagunentzat
4 urraburu, porru bat, baratxuri ale bat, 200 g shiitake, 250 g tomate cherry, olioa, gatza.

Zailtasuna                             2

1. Urraburuak garbitu eta xerrak atera. Gatza bota.
2. Txikitutako porrua olio pixka batekin erregosi.
3. Txikitutako baratxuria eta zerrendatan moztutako shiitakeak gehitu eta erregosi.
4. Tomateak garbitu eta zerrendatan moztu.
5. Azpil bat olioz igurtzi eta tomateak jarri. Hurrenez hurren urraburu xerra, barazkiak eta urraburu xerra jarri. Gainetik olio pixka bat bota.
6. Labe beroan sartu, 200 gradutan, 12-15 minutuz.

BIGARREN ERA
Osagaiak 4 lagunentzat
4 urraburu, 2 patata, 400 g tomate heldu, koilarakada bat azukre, alberjinia bat, ardo zuria, olioa, gatza.

Zailtasuna                       2              

1. Urraburuak garbitu eta xerrak atera. Gatza bota.
2. Patatak zuritu, zerrendatan moztu eta 5 minutuz egosi.
3. Tomateei azala eta haziak ken-du eta txikitu. 2 koilarakada azu-kre bota eta 15 minutuz egosi, su oso eztitan. Noizean behin eragin.
4. Azpil bat olioz igurtzi eta hurrenez hurren urraburu xerra, patata eta urraburu xerra jarri. Gainetik olio pixka bat bota.
5. Labe beroan sartu, 200 gradutan, 12-15 minutuz.
Tomate konpotarekin lagundu.