Mihi-arraina arbendol eta berberetxorekin

LABEAN
Osagaiak 4 lagunentzat
4 mihi arrain, tipuleta bat, baratxuri ale bat, 100 g arbendol txikitu, 250 g berberetxo, olioa, gatza, perrexila.

Zailtasuna                        2               

1. Mihi-arrainak garbitu eta xerrak atera. Hezurrak urarekin estali eta 20 minutuz egosi. Xukatu.
2. Berberetxoak egosi eta salda xukatu. Oskolak kendu.
3. Txikitutako tipuleta eta baratxuria erregosi olio pixka batekin. Arbendolak gehitu eta eragin.
4. Bi saldak bota eta 10 minutuz egosi. Irabiagailuarekin nahasi eta txikitutako perrexila gehitu.
5. Arrainari gatza eta olio pixka bat bota. Labe beroan sartu, 200 gradutan, 5 minutuz.
Plateretan arraina eta berberetxoak jarri. Gainetik saltsa bota.

PLANTXAN
Osagaiak 4 lagunentzat
4 mihi arrain, 400 g arbendol, 300 g berberetxo, 50 g azukre, 20 g gurin, 75 ml esne-gain, olioa, gatza, perrexila.  

Zailtasuna                            2

1. Arrainari xerrak atera.
2. Zartagin batean arbendolak olioarekin 15 minutuz erregosi, su oso eztitan. Xehatu.
3. Berberetxoak egosi eta salda xukatu. Oskolak kendu.
4. Arbendol krema berberetxoen saldarekin berotu.
5. Arraina plantxa batean erre.
6. Azukre eta ur pixka batekin karameloa egin. Gurina gehitu, urtu eta sutatik kendu. Esne-gain beroa eta gatza bota eta nahastu.
Plateretan arraina eta berberetxoak jarri. Bi saltsarekin apaindu.