‘Punto de Vista’ Jaialdiaren edizio berri bat hartuko du Iruñeak

Iruñea zinema dokumentalaren erdigune bihurtuko da, ‘Punto de Vista’ Zinema Dokumentalaren Nazioarteko Jaialdiari esker. Hitzordu horrek aurreko denboraldiko onena jasotzen du, eta, aldi berean, etorkizuneko apustu interesgarri batzuk ere.

‘Punto de Vista’ Iruñean egingoda da, martxoaren 27tik apirilaren 1era, eta dagoeneko salgai jarri ditu jaialdiko saio guztietarako sarrerak, web orriaren bidez. Sarreren prezio orokorra 3 eurokoa izango da saio bakoitzeko, batzuk izan ezik, horiek doakoak izango baitira.

Astebetez, ‘Punto de Vista’ nazioarteko ikus-entzunezkoen komunitatearen epizentroa izango da hainbat egoitzatan: Baluarte, Golem Zinemak, Oteiza Museoa, Iruñeko Planetarioa, Nafarroako Filmategia, Civivox Condestable eta Civican. Filmen proiekzioak, zinemagileekin topaketak, performanceak, haurrentzako zinema dokumentaleko saioak edo Sail Ofiziala jaialdia egiten den guneetan elkartuko dira.

13 herrialdetako 18 film

‘Punto de Vista’-ren programazioa zazpi atal handitan antolatuko da: Sail Ofiziala, izena eman zuten 800 bat herrialdeetatik lehiara hautatutako 13 herrialdetako 18 filmak bilduko dituena; Atzera begirakoak; Fokuak, Punto de Vista nazioarteko zinemagile garrantzitsuenei begira jartzeko saio monografikoak; Bitartekotza-programa, jaialdia publiko berriei zabaltzen jarraitzeko aurrera jarraitzen duena; Lana, sorkuntza- eta ekoizpen-prozesuen inguruko hainbat jarduera publiko proposatuko dituena; Kontaktuak, zinema dokumentala beste praktika artistiko eta gogoeta-praktika batzuekin harremanetan jarriko duena; eta X Films proiektua, errealizadore berriak hurrengo edizioan estreinatuko den film bat grabatzeko proposamen bat aurkeztera gonbidatzen dituena.

Gainera, jaialdiak ‘Punto de Vista: El Globo Rojo’ ludotekarekin uztartzearen aldeko apustua egin du aurten ere. Horrela, sei hilabete eta hamabi urte bitarteko haurrentzat gune bat izango dute, eta akreditazioa duten pertsonek zein publiko orokorrak martxoaren 30ean eta 31n eta apirilaren 1ean hartu ahal izango dute.