Getxoko turismo bulegoetan jasotako bisitariak %17 gehitu dira Aste Santuan eta Pazko astean

Getxoko Udalak Ereagan duen Turismo Bulegoak eta Bizkaia Zubiaren ondoan dagoen Turismo Informazioko Guneak 2.114 bisitari hartu zituzten Aste Santuan eta Pazko astean, hau da, 2023an baino %17 gehiago, Getxoko Udaletik jakinarazi dutenez.

Aste Santuko egunetan bildu zen jende gehien (ostegunetik igandera), 1.265 pertsona artatu baiziren, hots, bisitari guztien %60 (Ereagako bulegoan %56). Jatorriari dagokionez, merkatu garrantzitsuena Espainiako Estatukoa izan da berrirro (Madril eta Katalunia buru, eta ondoren Gaztela eta Leon eta Valentziako Erkidegoa), bisitari guztien %59arekin. Frantzia, Alemania eta Erresuma Batuko bisitariak %25,5 izan dira.

Eskatutako informazioari dagokionez, 2.568 kontsulta egin ziren, batez ere plano, mapa eta interes turistikoko tokiei buruz (Getxon, bereziki, Bizkaia Zubiari, Portu Zaharrari eta Galeari buruz).

Bestalde, establezimendu guztien batez besteko okupazioak behera egin zuen aldi horretan, eta %60tik behera geratu zen (iaz %62 izan zen). Kategorien arabera desberdina izan zen, establezimendu batzuek %80ko okupazioak lortu baitzituzten. Batez besteko egonaldiak gora egin zuen pentsioetan eta apartamentuetan, bietan hiru egunetik gorakoa izanda; hoteletan, berriz, 2,36 egunekoa izan zen.

Bizkaia Zubiko oinezkoentzako pasabidea

Espainiako Estatuko bisitari gehienak Madrildik, Kataluniatik eta Gaztela eta Leondik etorri ziren, eta beste herrialdeen artean, Frantziatik, Alemaniatik, Estatu Batuetatik, Erresuma Batutik, Italiatik eta Portugaldik heldutakoak nabarmendu ziren etorri ziren. Bisitaren arrazoia gehienbat aisialdia izan zen, nahiz eta Pazko astean %21ek negozioengatik egin zuen.

Azkenik, Bizkaia Zubiko oinezkoentzako pasabidean 4.544 turista eta bisitari izan ziren, gehienak Madril, Bizkaiko zenbait leku, Katalunia, Alemania, Valentziako Erkidego, Frantzia, Gaztela eta Leon eta Erresuma Batutik helduak. Kirol portuak ez zuen joan-etorririk izan aldi horretan.