Urko Aristi kazetariak jaso du aurtengo Zilarrezko Gehitu saria

Donostiako La Farandula Microteatro aretoan eginiko ekitaldian, Gehitu elkarteak ematen duen saria jaso zuen atzo EITBko irrati taldeko zuzendari Urko Aristi kazetariak. Euskal Herriko lesbiana, gay, bisexual, trans eta intersexualen elkarteak 1998tik ematen duen sari honekin LGTBI kolektiboko herritarren oinarrizko eskubideen aldeko borrokan nabarmendu den pertsona edo erakundeen lana eta ekarpena goraipatu nahi dute. Ordutik hona, EHUko Zuzenbide Fakultatea, Jose Luis Rebordinos eta Donostiako Zinemaldiko lantaldea eta Eibar Kirol Elkartea izan dira sarituetako batzuk.

Argazkia: Jon URBE | FOKU