Gerra zibilaren amildegira jausten ari da Sudan, NBEaren ustez

Nazio Batuen Erakundearen (NBE) esanetan, Sudan «eskualde osoa aztora dezakeen erabateko gerra zibilaren atarian» dago. Aireko Armadak Khartum inguruko etxebizitza bati eraso egin eta dozenaka zibil hil eta gero egin du adierazpen hori.

Larunbatean Omdurmaneko Dar al-Salam auzoan, Khartum hiriburuko ipar-mendebaldean, Armada erregularrak egin zuen bonbardaketan «22 hildako» zenbatu ditu Osasun Ministerioak.

Laguntza Azkarreko Indarrek (FSR), apiriletik Armadaren aurkako gerran dauden paramilitarrek, «31 hildakotik gora» salatu dituzte.

Armadak iragarri duenez, «operazio kualitatibo bat egin zuten Omdurmanen, hainbat errebelde hil eta borrokarako ibilgailuak suntsitu zituzten», hildako zibilak aipatu gabe eta akusazioak aintzat hartu gabe.

«Khartum, Khartum Iparraldea eta Omdurman auzoetan gotortu diren matxinoen aurkako orrazketa operazioekin» jarraitzen omen dute.

Gorpu batzuek lurrean jarraitzen zuten atzo. Batzuek gorputz-adar batzuk txikituta dituzte, eta maindireekin erdi estalita daude. Batzuk emakumezkoak ziren.

Mohamed Hamdane Daglo jeneralaren FSRen eta Abdel Fattah al-Burhan jenerala buru duten tropa erregularren arteko hiru hilabeteko gerran, 3.000 hildako inguru zenbatu dituzte. Hiru milioi sudandar inguruk etxetik alde egin behar izan dute, 600.000k baino gehiagok atzerrira, batez ere Egipto eta Txadera.

Farhan Haqek, Antonio Guterres NBEko idazkari nagusiaren bozeramaileetako batek, «zuzenbide humanitarioarekiko eta giza eskubideekiko errespetu falta» salatu du, batez ere Darfurren, 2000ko hamarkadan martirizatu zen eskualdean. Sudango mendebaldeko eskualde zabal horretan, borrokek «dimentsio etnikoa» hartu dute, NBEren esanetan, biztanleek jatorri etnikoan oinarritutako «exekuzioak» salatzen dituzten bitartean.

NBEren esanetan, Sudan «erabateko gerra zibil baten atarian dago» Sahel-en, Afrikako Adarraren eta Ekialde Ertainaren mugetan, Khartumgo gerraren aurretik ere indarkeria jasaten zuen eskualdean.

Denuncian violaciones masivas de menores

Las fuerzas en combate de Sudán están violando a menores de hasta 12 años de edad desde el principio de los enfrentamientos, según han denunciado Save the Children y organizaciones humanitarias nacionales.

Según estimaciones de la Unidad de Lucha contra la Violencia contra la Mujer y el Niño, un organismo nacional sudanés, a fecha de 1 de julio ha podido verificar 88 casos de violación, más de la mitad en la capital, Jartum. Las cifras suponen solo el 2% el total, lo que significaría que 400 mujeres habrían sido objeto de abusos sexuales en once semanas de conflicto entre señores de la guerra. GARA