09 MAI 2024 BEGIRADA Gasteiz Antzokiaren beldur da Udal Gobernua? Raúl BOGAJO FOKU Gasteiz Antzokiaren Aldeko Plataformak mobilizazioak eta ekimenak iragarri ditu Udalak proiektua «lehenbailehen» martxan jar dezala exijitzeko. «Gasteiz Antzokia behar dugu, euskarak behar du, aisiak behar du, kulturak behar du, hiritar guztiok, euskaldunak izan edo ez, behar dugu. Bada garaia», adierazi zuten atzo prentsaurrekoan. Gasteiz Antzokia, Izaskun Arrue Kulturgunea izena daraman proiektua, 2022ko irailetik amaituta dago, baina Udal Gobernuak ez du ireki, eta, plataformak salatu zuenez, «hori erabat onartezina da».