Antibiotikoen erabilera egokia bultzatzeko lasterketa izango da azaroaren 5ean Gasteizen

‘Korrika Erresistentziarik Gabe!’ III. Unibertsitate Karrera antolatu du azaroaren 5erako Euskal Herriko Unibertsitatearen Farmazia Fakultateak Gasteizen. «Antibiotikoekiko erresistentzia hautatzeko eta barreiatzeko arriskua murriztea du helburu».

Antibiotikoen erabilerari buruzko munduko kontzientziazio astearen testuinguruan, Euskal Herriko Unibertsitatearen Farmazia Fakultateak ‘Korrika Erresistentziarik Gabe!’ III. Unibertsitate Karrera antolatu du Gasteizen.

Proba, korrika edo oinez egin ahal izango dena, azaroaren 5ean, igandean, egingo da, bost kilometrotako distantzian. Goizeko 10.30ean irtengo da René Cassin kaletik, Arabako Campuseko Farmazia Fakultatearen atzetik.

‘Korrika Erresistentziarik Gabe!’ saioaren hirugarren edizio hau hainbat hiritako kaleetara itzuliko da erresistentziaren arazoari buruzko kontzientziazio lanekin jarraitzeko eta espainiar Estatuko unibertsitateak antibiotikoen erabilera hobetzeko funtsezko kolektibo gisa erakarri eta ari daitezen.

Antibiotikoekiko Erresistentziaren aurkako Plan Nazionala (PRAN) plan estrategikoa eta ekintza plana da, eta antibiotikoekiko erresistentzia hautatzeko eta barreiatzeko arriskua murriztea du helburu eta, ondorioz, arazo horrek pertsonen eta animalien osasunean duen eragina murriztea, egun diren antibiotikoen eraginkortasuna modu iraunkorrean zainduz.

Parte hartzea dohainekoa da, eta kamiseta 10.00etatik aurrera jaso ahalko da. Lasterketa bukatzean, guztiok elkartu, eta, musikaz eta dantzaz lagunduta, talde argazkia aterako dute.