21 hautagai «Bilboko faboritoak» izateko Bilbaodendak-en urteko tokiko merkataritza sarietan

Guztira zazpi kategoria daude, hiru hautagai horietako bakoitzean, tokiko merkataritzaren garrantzia alderdi desberdinetan azpimarratzeko: etorkizuna duen tradizioa, euskararen sustapena edo ekintzaileak, besteak beste. Edozeinek botoa eman dezake bilbaoDendak-en webgunearen bilbaodendak.eus bidez.

‘Bilboko Faboritoak’ martxan daude jada aurten ere. Bilboko merkataritza eta turismoa sustatzeko BilbaoDendak plataformak tokiko merkataritzaren sariak antolatzen ditu urtero, aurten hauen hamabosgarren edizioa ospatuz. Irabazleak XVI. Merkataritza Sarien Galan ezagutzera emango dira hurrengo azaroaren 21ean, Euskalduna Jauregian.

Oraingo honetan, 21 establezimendu hautatu dira zazpi kategoria desberdinetarako, horietako bakoitzean hiru: Etorkizuna duen Tradizioa, Hemengo Shopping Bilbao, Hobekien Konektatuta, Hemengo Jan, Ostalaritza Kontzeptu Onena, Euskararen Sustapena eta Denda Berria. Honen bidez, BilbaoDendak-ek hurbileko merkataritzaren garrantzia ikuspuntu desberdinetatik azpimarratu nahi du; «halaber, tokiko ekonomia eta jasangarritasuna sustatzen, eta gure kaleei bizia ematen dieten pertsonetan arreta jarri nahi da».

Gaurtik aurrera, hautatutako establezimenduek banderatxo bat eta bereizgarri bat dituzte ‘Bilboko Faboritoa’ sarirako hautagaitza identifikatzeko. Era berean, Indautxu eta Abando estazioetan, hautatutako establezimenduen argazkiak erakutsiko dira.

Halaber, aste honetan hasi dira herri bozkaketak. Azaroaren 17ra arte, Bilboko urteko denda, taberna edo jatetxe onenaren aldeko botoa eman daiteke webgunean (www.bilbaodendak.eus). Parte hartzen duten guztien artean bilbaoDendak-en 300 euroko Opari Txartela zozketatuko da, bilbaoDendak-ren komertzio eta ostalaritza eta zerbitzu enpresetan erabiltzeko.

XVI. Merkataritza Sarien Gala azaroaren 21an, asteartez, ospatuko da aurten Euskalduna Jauregian.