Erronka demografikoa, klimatikoa eta ekonomikoa aztergai astelehen eta asteartean Euskal Hiria Kongresuan

Bilakaera demografikoa, klima-aldaketa eta trantsizio energetikoa erronken arteko interreazioa aztertuko dute azaroaren 27an eta 28an Bilbon, Euskal Hiria Kongresuan. Hainbat aditu eta instituzioetako ordezkari bilduko ditu hitzorduak Donostia Kursaal Jauregian.

Hainbat erronkari aurre egiteko moduak eta horien arteko interrelazioak aztertuko dituzte adituek eta agintariek XXII. Euskal Hiria Kongresuan. Bilakaera demografikoa, klima-aldaketa eta trantsizio energetikoa, turismoa eta hurbileko ekonomia izango dira hizpide.

Azaroaren 27an eta 28an egingo da Donostiako Kursaal jauregian, gizarte modernoek aurre egin behar dieten erronkei eta horiek euskal lurraldean duten eraginari buruzko azterketa eta eztabaidarako urteroko foroa.

Lakuako Gobernuko Lurralde Plangintza, Etxebizitza eta Garraio Sailak, Nazio Batuen Giza Asentamenduetarako Programaren (NBE-Habitat) laguntzarekin, bilera horien edukiak eta eztabaidetan parte hartuko duten hizlariak iragarri ditu.

Bi jardunalditan zehar, hirigintzaren, iraunkortasunaren, demografiaren edo lurralde-antolamenduaren arloetako aditu akademiko, profesional eta erakundeetako arduradun ugarik «euskal gizarteak eta lurraldeak, hiriek eta herriek dituzten erronka berrien arteko harremanak» jorratuko dituzte.

Euskal Hiria Biltzarraren 22. edizioa “Intersekzioak: sortzen ari diren erronkak, erronka sozialak eta lurraldea” lelopean egingo da, eta ikuspegi bikoitz baten inguruan garatuko da: batetik, «lurraldea jardueren funtsezko oinarri gisa» hartzen duena, eta, bestetik, «pertsonak erdigunean jarriko dituen begirada soziala sartzeko beharra».

Adituak eta erakundeak

Hizlarien artean, honako hauek nabarmentzen dira: Kirsten Dunlop Climate KICeko arduraduna Ekintza Klimatikoari buruzko Berrikuntzaren eta Ezagutzaren Europako Erkidegoan; Kazumi Ogawa ONU-Habitat Europako koordinatzailea, eta Cristina Monge Zaragozako Unibertsitateko soziologoa.

Era berean, Trantsizio Ekologikorako eta Erronka Demografikorako Ministerioko Despopulazioaren aurkako Politiken zuzendari nagusi Juana Lopez Pagan, Bartzelonako Unibertsitate Autonomoko demografiako espezialista Albert Esteve eta plangintzako aholkulari, geografo eta ekonomialari Juan Requejo izango dira beste parte-hartzaileetako batzuk.

Foru aldundietako, udaletako eta Lakuako Gobernuko arduradunek parte hartuko dute hausnarketetan eta mahai-inguruetan, baita Sevillako Unibertsitateko Eskualdeko Azterketa Geografikoko katedradunak, Gobernu espainoleko Hiri Agendako zuzendari nagusi Lorena Villak eta Turismoaren Munduko Erakundeko espezialista Juan Pastorrek ere.

Antolatzaileek azpimarratu dutenez, urteko kongresuak «politika publikoak eta erabakiak hartzea optimizatu» nahi ditu, «zeharkako eta sektore anitzeko ikuspegietatik», NBEren 2030 Agendaren Garapen Jasangarriko Helburuekin eta Euskadi Bultzatu 2050 Hiri Agendarekin bat etorriz.