MIla lagun baino gehiago espero dituzte igandean Barakaldon, autismoaren aldeko martxan

Barakaldoko Autismoaren Munduko Egunaren aldeko elkartasun martxak mila parte hartzaile baino gehiago espero ditu igandean. Autismoaren inguruko sentsibilizazioaz gain, kolektiboaren errekonozimendua eta arlo guztiekiko inklusibitatea aldarrikatuko dituzte.

Mila pertsona baino gehiago biltzea espero du Apnabi Autismo Bizkaia elkarteak igandean, apirilaren 14an, Barakaldon egingo den autismoaren aldeko martxa solidarioan.

Hala adierazi dute ‘Autismoa martxan!’ goiburupean egingo den ongintzazko ekitaldiaren aurkezpenean. Ekitaldia «Barakaldoko Autismoaren Munduko Egunaren aldeko elkartasun martxa handia» izango da.

Ekintza solidario honen bigarren edizioa da, eta bi helburu nagusi ditu: kolektiboa «ikusaraztea» eta Apnabi elkartearen kausarako dirua biltzea. Apnabi elkartea arduratzen da edizioaren prestaketaz, eta iganderako antolatutako ibilaldi jendetsuarekin Autismoaren Kontzientziazioaren Munduko Egunaren programazioa amaituko da.

Autismoaren espektroko nahasmendua (AEN) duten pertsonak eta haien familiak biltzen dituen elkarteak nabarmendu duenez, «autismoari buruzko sentsibilizazioa areagotu eta kolektiboaren errekonozimendu soziala bultzatu nahi dugu honelako ekimenen bidez».

Azpimarratu dute, halaber, eguna «kontzientziatzera eta sentsibilizatzera» bideratuta dagoela, baina helburua, era berean, errealitatea ikusaraztera dela, «autismoaren espektroaren nahasmendua duten pertsonak esparru guztietan benetan sartzearen aldeko inplikazioa indartzeko».

Programazio berezia joan den martxoaren 21ean hasi zen jardunaldi batekin, eta jai herrikoi handi bat barne hartu du. Kontzientziazio ekitaldiei amaiera emango dien igandeko proba, 11.30ean hasiko da, Barakaldoko Herriko Plazan.

Ibilbideak 3 kilometro ditu, ibilbide irisgarria osatu dute eta, amaitzean, Zuazo ikastetxe publikoko jolastokian, haur eta kirol jolasez, autismoari buruzko informazio guneez eta «pertsona guztiei egokitutako jai giro atseginaz» gozatu ahal izango da.

Izen-emate bakoitzarekin, 6 eurotan, parte-hartzaile bakoitzari oroitzapenezko kamiseta eta dagokion hornidura emango zaizkio, baita Barakaldoko denda eta ostalaritzako lokalek emandako dozenaka produkturen zozketan parte hartzeko zenbaki bat ere.

Izena emateko eta parte hartzeko epea igande honetan, apirilak 7, amaituko da. Izen-ematea Apnabiren webgunearen edo Rock The Sport plataformaren bidez egin daiteke.