Gaur 84 urte jaio zen Annie Ernaux idazlea

Annie Ernaux idazlea 1940ko irailaren 1ean jaio zen Lillebonnen, gaur 84 urte. 2022an Literaturako Nobel Saria eskuratu zuen.

Annie Ernaux 1940ko irailaren 1ean jaio zen Lillebonnen, baina haurtzaroa Yvetoten (Normandia) igaro zuen. Inguru sozial umil batetik zetorren, eta literatura ikasi zuen. 2022an Literaturako Nobel Saria eskuratu zuen.

Bere lehen eleberriak, ‘Les Armoires vides’ (1974), bere lanaren izaera autobiografikoa iragarri zuen. Esperientzia pertsonala eta istorio handi bat uztartzen du idazle honek bere lanetan: gurasoen igoera soziala (‘La Place, La Honte’), bere ezkontza (‘La Femme gelée’), bere sexualitatea eta bere maitasun-harremanak (‘Passion simple, Se perdre’), bere ingurunea (‘Journal du dehors, La vie extérieure’), edo izan zuen abortua (L’Événement), kasurako.

Annie Ernauxek hainbat sari jaso ditu: frantses hizkuntzako saria 2008an, eta Marguerite Yourcenar saria 2017an. Bestalde, 2014an Honoris Causa doktore titulua jaso zuen, Cergy-Pontoiseko Unibertsitateak emana.

Sari garrantzitsuena, baina, 2022ko urrian jaso zuen: Literaturako Nobel Saria eman zioten, «memoria pertsonalaren sustraiak, distantziak eta muga kolektiboak ezagutzera emateko erakusten duen adoreagatik eta zorroztasun klinikoagatik». Ernaux literaturako Nobel saria jaso duen lehen emakume frantsesa da.

«Hitza ia beti gizonezkoek monopolizatu dute», kritikatu zuen Ernauxek saria jaso zuenean, eta, segidan, zera proposatu zuen: «Imajinatu dezakegu izugarrikeria gutxiago dagoela, soineko luze eta fraka gutxiago?»