Leire Rodriguezi «bizia kendu dion atentatu matxista» arbuiatu du Arartekoak

Leire Rodriguez emakumeen kontrako indarkeriaren aurkako biktimaren hilketa «biziki arbuiatu» du Ararteko erakundeak, eta gertakariaren aurrean «samina» adierazi.

«Indarkeria matxistak bizia kendu dio, berriz ere, emakume bati, eta giza zorigaitz arbuiagarria eragin du», adierazi du Arartekoak Leire Rodriguezen heriotza indarkeria matxistari lotua izan eta gero igorritako ohar batean.

Zentzu horretan, erakunde guztiei dei egin die Arartekoak, «konpromiso irmoak» hartu eta «jarduera tinkoak» burutu ditzaten, «emakumeen eta gizonen arteko benetako berdintasuna lortzeko borrokan, eta baita emakumeen kontrako indarkeria matxistaren edozein adierazpen erauzteko orduan ere».

«Beste behin ere, erakunde guztiei eta gizarte osoari eskatzen diegu ez dezatela etsi eta lanean jarrai dezatela berdintasunerako politikak egiten, berdintasunerako kultura sustatzen eta genero-berdintasuna oinarrizko baliotzat hartuko duen baterako hezkuntza-eredua bultzatzen», nabarmendu dute.

Horrez gain, Julia Hernandez jarduneko Arartekoa Abusun egingo den elkarretaratzean izango dela jakinarazi dute.