Athleticek sailkapenaren buruan jarraitzen du (5-1)

Zuri-gorriak Atleticorekin berdinduta daude lehen postuan Realak galdu egin baitu Madrilen (2-1) eta Bartzelonak berdindu (1-1). Oiartzunek porrot gogorra jaso du Valentzian (8-0).

Athletic eta Atletico Madril dira emakumezkoen Lehen Mailan sailkapenaren buruan jarraitzen duten bi taldeak. Izan ere, jardunaldian ezusteko garrantzitsuena Bartzelonan gertatu da. Kataluniarrek berdindu egin dute Huelvako Sportingen aurka (1-1) azken minutuetan gol bat jaso ostean.

Lezaman aldiz, Athleticek ez du zalantzarik izan eta hasieratik erraz gainditu du FUndacion Albacete taldea (5-1). Realari kontrakoa gertatu zaio. Nahikari Garciak egindako gol bati esker markagailuan aurreratu dira Atletico Madrilen zelaian, baina galdu egin dute (2-1).

Oiartzunek ez du aukerarik izan punturik lortzeko Valentzian. 8 eta 0 galdu dute.