William Joseren fitxaketa baieztatu du Realak
William Jose aurrelari brasildarrak Realean jokatuko du datorren denboraldian, talde txuri-urdinak baieztatu duen moduan. Jokalari berria euren «lehentasunezko aukera» zela adierazi dute donostiarrek.
NAIZ
DONOSTIA
Realak bere erasoko postuak indartu ditu William Jose aurrelariarekin, taldeak bere webgunean adierazi duenaren arabera. 24 urteko aurrelariak taldeari «gol asko, kalitatea eta potentzia» emango dizkiola nabarmendu du klubak.
20 urtez azpiko munduko txapelduna izan zen William Jose, eta espainiar Ligako hainbat taldeetan jokatu du azken urteetan. Horregatik, talde txuri-urdinak uste du ez duela taldera moldatzeko arazorik izango.
William Josek Jonathasek utzitako lekua beteko du Realaren erasoko postuetan, GARAk atzo aurreatu zuen bezala.