Bilbao Basketek Michael Eric pibota fitxatu du
27 urte ditu eta 2,10 metro neurtzen ditu Michael Eric pibotak. Urtebeterako fitxatu du Bilbao Basketek,kontratua beste urtebete luzatzeko aukerarekin.
Dominion Bilbao Basketek Michael Eric pibota fitxatu du hurrengo denboraldiari begira. 27 urte ditu jokalariak eta 2,10 metroko garaiera du.
Urtebeteko kontratua egin diote Bilbon, baina beste urte batez luzatzeko aukera izango du denboraldi amaieran.
Nigeriarra da Eric eta taldearen seigarren fitxaketa da. Grezia eta Italiako ligetan jokatu du aurrez eta Estatu Batuetako liga unibertsitarioan egin zen jokalari.
Azken urteko datuei erreparatuta, bataz beste 11,8 puntu lortu ditu neurketako, 9,4 errebote eta 2 tapoi.
FICHAJE!!!! Michael Eric, poder interior para el Dominion Bilbao Basket https://t.co/iZl5HYNm5g pic.twitter.com/7gPfBDfahv
— BILBAO BASKET (@CDBILBAOBASKET) 2016(e)ko abuztuak 6