David Pla: «Presoak etxeratzea funtsezkoa da Euskal Herriarentzat»

Julen Mendizabalekin batera Osnyko espetxetik bidalitako mezu batean, Kalera Kalera dinamikarekin aurrera jarraitzeko deia egin du David Plak. Presoak askatzeko borroka euskal herritar guztientzat «onuragarria» eta Euskal Herriarentzat «funtsezkoa» dela azpimarratu du.

Ahotsa.info-k interneten zintzilikatu duen bideo batean, Julen Mendizabalek eta David Pla presoek Kalera Kalera ekimenaren eta herri mobilizazioaren garrantzia azpimarratu dute.

«Euskal iheslari politikoek azken urteotan erabili duten leloa ekarri nahi dugu gogora ‘deserrian gaudenok herria dugu arnas’, guretzat herria da funtsezkoa, herri proiektu bat eraiki nahi dugulako eta baita herritarrak ondoan izan eta herritarrekin batera aurrera egin», dio Plak.

Kalera Kalera ekimenak bezala, Euskal Preso Politikoen Kolektiboa ere etxeratzeko lanean ari dela azpimarratu du Plak. «Uste dugu ordua dela etxera itzultzeko eta horretan gaude», adierazi du, azpimarratuz hori «onuragarria» dela euskal herritar guztientzat eta «funtsezkoa» Euskal Herriarentzat egin.

Presoen etxeratzea «herriarekin adostutako moldeetan» lortzearen garrantzia azpimarratzen du Plak eta horretarako laguntza eta babesa galdegiten ditu.