Euskara sustatzeko kanpaina San Tomas egunean
Bilboko Udalak San Tomasetan lehen berba euskaraz egiteko kanpaina bat martxan jarriko du. 30.000 eskuorri argitaratu ditu eta 15 gaztek banatuko dituzte egunean zehar.
San Tomas azoka egunean, 15 gaztek eskuorriak banatuko dituzte jaigunera sartzen den jende guztiaren artean. Jaigunerako sarbideetan jarriko dira banatzen: Areatzara Zingira kaletik (Udaletxe aldea) sartzeko lekuan; Areatzako zubian; eta Erribera kalean, Arriaga Antzokiko atzeko aldeko tranbiaren geltokiaren parean. Metroaren Zazpi Kaleetako geltokiko irteera bietan ere jarriko dira.
Ahalik eta pertsona gehienengana heltzea da asmoa eta eskuorri horren bidez San Tomas eguneko jai giroan euskaraz ondo pasa dezatela.
Jendeari lehenengo urratsa ematera bultzatu nahi du Udalak kanpaina honekin eta euskaraz dakitenek euskaraz egin dezaten.
Kanpainaren leloa hurrengoa da: «Santo Tomas azokan ere… lehenengo berba euskaraz…».
Eskuorrian hainbat maitasun esapide ere (pitxin, laztana, kuttun, bihotza…) proposatzen dira edo azokako berbak jasotzen dituen hiztegitxo bat.
Eskuorria gordetzeko eta etxera eramateko pentsatuta dago. 2018aren hasieran lehenengo berba ere euskaraz egiteko proposamena luzatzen dute.