Esku hutsik itzuli da Osasuna Riazorretik (2-0)

Osasunak ezin izan dio bolada onari eutsi eta punturik gabe itzuli da Galizatik, Deporren aurka 2-0 galdu ostean. Putzuz betetako zelai batean, etxekoak hobe moldatu dira eta gol bana zati bakoitzean sartuta gailendu zaizkio talde nafarrari bigarren mailako lider moduan jartzeko. Partidak utzi dituen zenbakiak.

vEuria izan da Deporrek eta Osasunak Riazorren jokatutako partidaren protagonista nagusi. Putzuz betetako zelai batean, ez da erreza izan baloia jokatzea eta horrek partida markatu du. Bi taldeak saiatu dira baloi luzeen bidez iristen aurkariaren area ingurura, eta horrela iritsi dira aukera nagusiak. Lehena, David Garciak izan du nafarrentzat, baina bere errematea gora joan da.

Etxekoek laster erantzun dute, Baina Ruben Martinez atezainak, Riazorrera itzultzen zen egunean, geldiketa ona egin du. Baloi luzeekin batera, urrutiko jaurtiketekin saiatu dira jokalariak, Roberto Torres kasu.

Borroka asko ikusi da zelai gainean, eta hola iritsi da Deporren lehen gola. Quique Gonzalez Osasunako jokalari ohiak borrokatu egin du, balloia Fede Cartabiari eman dio eta honek Carlos Fernandezekin jokatu du, azken honek gorritxoen atea zulatuz 43. minutuan. Osasunak partida berdindu ahal izan du atsedenaldiaren aurretik, Unai Garciaren jaurtiketa batekin, baina atezainak desbideratu du. 

Bigarren zatian berdinketaren bila atera da Osasuna, baina aukerak Deporrentzako ziren. Nafarrek ez dute min egiten asmatu, eta galizarrek, aldiz, bigarrena egin dute 75. minutuan, Osasunaren aukerekin amaitu eta bolada onari amaiera jarriz.