Martzillan lan istripuz zendu zen gaztearen heriotza salatu dute Huerta de Peraltako grebalariek
Greba mugagabearen 23. eguna duten Huerta de Peraltako langileek errepidea moztu dute, atzo Martzillan gertatu zen lan istripu hilgarria salatzeko.
Martzillako Exkal enpresan lan istripuz zendu zen 25 urteko larragarra gogoan hartu dute greba mugagabean dauden Huerta de Peraltako langileek.
️#LABurrean Huelguistas de Huerta de Peralta realizan un corte de carretera frente a la puerta de la empresa en solidaridad con el joven que murió ayer en un accidente laboral en Marcilla #PrekarietateaHiltzailea #HuertaDePeraltaBorrokan pic.twitter.com/jEJL1kqnO9
— LAB Nafarroa (@LABnafarroa) 17 de enero de 2019
Grebaren 23. egunean, behargin gaztearen heriotza salatzeko errepide mozketa bat egin dute Azkoiengo enpresaren atarian.
Hala, bizi duten gatazkari lotutako aldarriei lan istripuen aurkako erreibindikazioak batu zaizkie gaur.
Minutuko isilunea Nafarroako Parlamentuan
Nafarroako Parlamentuan ere, ostegun honetan egiten ari diren osoko bilkura hasi aurretik, gaztearen omenezko minutuko isilunea egin dute.
Gai ordenaren lehen puntua eztabaidatzen hasi aurretik, Parlamentuko lehendakariordeak, Unai Hualdek, iragarri du lan istripu hilgarria salatzeko keinu hori izango zutela, «tamalez ohikoa izaten ari den bezala».
Hildako gaztea, J.F.R., Rotten XIII taldeko baxu-jotzailea zen eta argiketari gisa lan egiten zuen Martzillako Exkal enpresan.