40 urtean kasko polar artikoa erdira jaitsi dela ohartarazi dute

1980ko hamarkadatik, 40 urtean, kasko polar artikoa erdira jaitsi da, Igor Shumakov Errusiako hidrometeorologia eta Ingurumen monitorizazio zerbitzuko (Rosigdromet) buruak Sputniki adierazi dionez.

«Artikoko izotz geruzaren hedapenak maila minimoak erregistratu zituen 2007an (4,19 milioi kilometro koadro), 2012an (3,35 milioi) eta 2019an (4,1 milioi). Alderatu dezagun 1980ko 7,6 milioi kilometro koadroekin eta 1983ko 7,28 milioi kilometroekin», adierazi du Shumakovek.

Rosgidrometeko buruak, izotz geruza gero eta meheagoa bihurtzen ari dela dio, eta Errusia iparraldeko itsasoetako bankisa ia erabat desagertu dela.

«Neguan, Ipar Itsasoko ibilbidea urtaroko izotz lodiz estaltzen jarraitzen da, baina sortu eta desagertzeko datak, batez ere Chukotka itsasoan, urrirako eta azarorako eta maiatzerako aldatu dira», azaldu du.

Espedizioentzako trabak

Bestalde, Roman Vilfand Rosgidrometeko ikerketa zuzendariak azaldu duenez, urte anitzeko izotzik ez egoteak Ipar polorako espedizio tradizionalak antolatzea eragozten du.

Gaur egungo baldintzetan, ezinezkoa da jitoan suntsitzeko arrisku txikia duen izozmendi bat aurkitzea, espediziokideek base gisa erabil dezaten.

Zientzialarien arabera, klima aldaketak eragina du Artikoko izotz estalkian, eskualde honetan tenperaturak munduko batez bestekoa baino lau aldiz azkarrago igotzen baitira.