Athletic eta Realeko jokalariak San Mameseko zelaia zapaltzen ikurrina eskuetan dutela (1999-04-04). (Luis JAUREGIALTZO/FOKU)
Aitor Zabaletaren omenez hamaika omenaldi egin dituzte bi taldeetako zaleek (1999-04-04). Zoritxarrez, urteekin Iñigo Cabacasen omenezko ekitaldiak ere egin behar izan dituzte. (Marisol RAMIREZ/FOKU)
Ohitura izan da, derbien atarian, bi taldeetako zaleak kalejiran futbol-zelaira iristea (2004-02-14). (Jon URBE/FOKU)
Athleticeko bi zale Realeko beste bat muxukatzen, 1999-2000 denboraldiko derbi baten atarian. (Marisol RAMIREZ/FOKU)
«Fair play»-a beti oso presente egonda jokalari zuri-gorri eta txuri-urdinen artean (1999-12-05). (Luis JAUREGIALTZO/FOKU)
Milurteko lehen derbian, Athletic garaile izan zen Anoetan 0-2 irabazita (2001-01-14). (Jon URBE/FOKU)
Derbiek beti pizten dute giroa eta polemiketarako tartea ere egoten da (2004-11-21). (Juan Carlos RUIZ/FOKU)
Reala Bigarren Mailan hiru denboraldi igaro ostean, berriro neurtu zituzten indarrak bi taldeek Lehen Mailan (2010-12-05). (Gari GARAIALDE/FOKU)
Anoetako zelaiak itxura polita zuen 2011-2012ko denboraldiko derbian. (Jon URBE/FOKU)
Zaleek umore onez ospatzen dituzte derbien atarikoak. Kasu honetan, Fernando Llorente zuri-gorri ohiaren irudiarekin brometan (2012-09-29). (Jon URBE/FOKU)
Realak garaipena erdietsi zuen San Mames zaharrean jokatutako azken derbian (2013-02-22). (Luis JAUREGIALTZO/FOKU)
Aldiz, San Mames berriko lehen derbian bana berdindu egin zuten bi taldeek (2014-05-11). (Luis JAUREGIALTZO/FOKU)
Bertsoderbiak 2012an hasi ziren egiten bi taldeen arteko lehiakortasun sanoa erakusteko asmoz. (Monika DEL VALLE/FOKU)
Polemika handia piztu zuen Donostian Iñigo Martinezek Athleticekin fitxatu zuenean. Irudian, Ondarroako atzelaria bere taldekide ohien kontrako lehen derbian (2018-04-28). (Juan Carlos RUIZ/FOKU)
Isak, harmailan gol bat ospatzen zaleen presentziarekin jokatutako azken derbian (2020-02-09). (Jon URBE/FOKU)
Athleticek eta Realak jokatu duten azken derbia zalerik gabe izan zen jada, pandemiarengatik (2020-12-31). (Monika DEL VALLE/FOKU)
Athletic-Real, azken urteetako derbiak iruditan
NAIZ
Athletic eta Realaren arteko Kopako finalerako atzera kontaketa hasi da. Sei egun besterik ez dira falta azken urteetako futbol hitzordurik garrantzitsuenerako. Bi taldeen arteko euskal derbiek irudi esanguratsu asko utzi dituzte eta horiek berreskuratu ditugu, larunbatean irudi gogoangarri berriak sortu aurretik.
