Frankismoaren biktima nafarren senideei buruzko 1.235 pasarte eta 161 elkarrizketa

Ana Ollo Nafarroako Herritarrekiko Harremanetarako kontseilariak handituz jongo den memoriaren webgunea aurkeztu du. Frankismoaren biktimen senideei buruzko 1.235 pasarte eta 161 elkarrizketa gordetzten ditu. Senideen parte hartzea ezinbestekoa izan da proiektu hau garatzeko.

Ana Ollo Nafarroako Herritarrekiko Harremanetarako kontseilariak Oroibidea ataria aurkeztu du gaur, Nafarroako Memoriaren Institutua sortu zenetik erregistratutako eta bildutako ahozko memoria biltzen duen webgunea. Ataria irekia da eta etengabe eraikitzen ari da. Gaurtik aurrera, gizarteari ikus-entzunezko 1.235 zatirekin eta 161 elkarrizketa oso erakutsiko zaizkio, 14 proiektu desberdinen esparruan grabatuta.

Oroibidea atariaren aurkezpenean, Ollo kontseilariarekin batera, Nafarroako Memoriaren Institutuko zuzendaria den Josemi Gastonek eta Memoriaren Nafarroako Institutuko Dokumentazio Ataleko buru den Cesar Layanarek, proiektuaren ezaugarri teknikoak aurkeztu dituzte.

Kontseilariak nabarmendu duenez, Oroibidea Memoriaren Nafarroako Institutuaren garrantzi handiko ekimena da, 1936ko estatu-kolpearen ondoren eta diktadura frankistaren garaiko «iragan traumatikoari buruzko memoria kontserbatzeko eta zabaltzeko». Halaber, adierazi du ziur dagoela webgune hau «oso tresna garrantzitsua» izango dela iragan hurbilari buruz ikertu nahi dutenentzat, eta lehen mailako hezkuntza baliabide bat belaunaldi gazteenak iraganari buruzko hausnarketa kritikora hurbiltzeko, Eskola Memoriadun Programaren bidez.

Azkenik, Ollok eskerrak eman ditu proiektuaren giltzarri diren 161 pertsonen parte hartzeagatik, eta gogoan izan ditu dagoeneko hil diren pertsona batzuk.

Bestalde, Josemi Gastonek nabarmendu egin du Oroibidea atariaren bidez benetako harresi birtual bat eraikitzen ari direla, garaituak oroitarazten dituena eta bertan gogoratutakoen senideen testigantzekin altxatu dena. Izan ere, zifren eta zerrenden ondoren pertsonak daude.

Orobidea eta Memoriaren bidea

Ataria bi webgunetan banatzen da: Oroibidea eta Camino de memoria. Bi sarbideetako edozeinetatik aukera daiteke nabigazioa gaztelaniaz edo euskaraz. Orri nagusian bilatzaile bat agertzen da, elementu nagusia, eta bilaketa iradokizunak eskaintzen ditu. Era berean, posible da testigantzak biltzeko proiektuen bidez bilatzea, eta, batez ere, Oroibideko tesauroa osatzen duten hitz gakoetatik abiatuta; 744 hitz gako, oraingoz, pertsonekin zerikusia dutenak (bereziki, testigantzetan aipatzen diren errepresioaren 345 biktimekin), lekukoekin (adibidez, 38 hobiri buruzko erreferentziak daude) eta gaiekin. Gainera, mapa batek lekukotzak geografikoki kokatzeko aukera ematen du, eta azken urteotan ahozko istorioen inguruan aurkeztu diren erakusketa birtualetara jo daiteke.

Proiektuak, elkarrizketa eta zati indexatuen kopuruan hazteaz gain, Nafarroako Memoriaren Institutuak digitalizatutako beste material mota batzuk integratuko ditu pixkanaka, eta horietan guztietan bilaketa integratua egitea ahalbidetuko du.