Jon Elortegi arraunlariak Jose Luis Kortaren lekua hartuko du Kaikun
Elortegi izango da Kaikuko entrenatzailea hurrengo denboraldian. Aurretik, Barrikarrak prestatzaile eta arraunlari lanak uztartu ditu Deustun, Urdaibain eta Zierbenan. Denboraldi honetan Kaikun egon da arraunlari gisara. Helburu izango du taldea «sendotzea» eta ligako emaitzak «hobetzea».
Jon Elortegik (Barrika, 1977) hartuko du Jose Luis Kortaren lekua Kaikun. Kortak denboraldia amaitu berritan iragarri zuen Castrora joango zela, eta Sestaoko klubak atzo jakinarazi zuen Elortegi izango zela prestatzailea hurrengo denboraldian. Sasoi honetan Kaikuko tostetan aritu da arraunlari gisara.
Barrikarrak 32 urteko ibilbidea du arraunean. 1991ean Arkoten eman zituen lehen pausoak, eta bertan egon zen 2003ra arte. Gerora Urdaibaira joan zen urte batez, eta 2005etik 2010era Castron aritu zen. 2011n Bermeora itzuli, eta bertam egon zen 2016ra arte.
Jon Elortegi será el técnico del Club Deportivo de Remo Kaiku que se hará cargo de la trainera masculina para la próxima temporada. Vinculado al remo desde hace 32 años, a lo largo de su carrera ha ejercido de remero y entrenador. pic.twitter.com/Qmw66fB5V1
— S.D. Remo Kaiku (@Kaiku_Remo) September 19, 2023
Orduan hasi zen entrenatzaile eta arraunlari lanak uztartzen. Deustun hasi zen, 2017tik 2019ra, ondoren beste bi urtez Urdaibain, eta iaz Zierbenan. Arraunlari gisara hiru Eusko Label liga ditu –Castrorekin bat eta bi Urdaibairkein–, eta sei Kontxako Bandera –Castrorekin bi, eta Urdaibairekin lau–.
Klubak oharrean adierazi du «etorkizunaren aldeko apustua» egin duela, eta Elortegik helburu izango duela taldea «sendotzea» eta ligako emaitzak «hobetzea». Bederatzigarrenen geratu dira denboraldi honetan.