Daliaren abenturak

DALIA Y EL LIBRO ROJO
Argentina, 2024. 92’. Zuzen eta gidoia: David Bisbano. Musika: Francisco Quesada, Panchi Quesada.

2024ko Sitges zinema jaialdian Animaziozko film luze onenaren sarirako izendatua izan da.

Haurrentzako ipuinak idazten dituen idazle beterano batek honakoa proposatuko dio Dalia alabari: hurrengo eleberrian berak nahi duen pertsonaia sar dezake. Neskak, bere jostailu gogokoena den Cabra sartzea erabakiko du. Aita hil ondoren, abentura bitxi batean murgilduko da: berak sortutako amaitu gabeko liburu bateko pertsonaiek bahituko dute.

Filma irudimenezko mundu batean girotuta dago, non Daliak bere beldurrekin eta segurtasun ezekin borrokatu behar duen, pertsonaia maitagarriz eta erronkaz betetako errealitate berri honetan nabigatzen duen bitartean.

David Bisbano argentinarrak zuzendu du eta Argentina, Estatu espainiarra, Peru eta Brasilen arteko parte hartzea du. Gainera, filmak, animazio teknika ezberdinak uztartzen ditu, 3D-a, 2D-a eta stop motion barne; horri esker esperientzia bisual oso aberasgarria sortu dute.