Azken urteotako parte hartzerik handienarekin jokatuko da larunbatean, 18.00etan, Seguran Euskal Herriko Dantza Txapelketa. Izan ere, Araba, Bizkai, Gipuzkoa, Nafarroa eta Lapurdiko ordezkariak izango dira 39. edizioan.

Hauexek dira: Beñat Olano-Paula Gonzalez (Gasteiz); Manex Alberdi-Amaia Agirre (Bergara); Xabier Artola-Idoia Besada (Irura-Pasaia); Mapi Egues-Ane Zubelzu (Ibarra); Asier Ibarguren-Garazi Gurrutxaga (Azpeitia); Lander Campos-Haizea Hormaetxea (Santurtzi-Leioa); Iker Sanz-Lierni Kamio (Lezo-Villabona); Mikel Subinas-Maite Beobide (Azpeitia); Aimar Odriozola-Izaro Urrestarazu (Ibarra); Beñat Urrutia-Manex Moreno (Sopela-Leitza); Amets Amubieta-Larraitz Larrañaga (Azpeitia); Jon Ander Iriondo-Libe Lizaso (Azpeitia); Ibai Jimenez-Iratxe Lizarburu (Zaldibia-Ibarra), eta Pierre Latasa-Anais Zugarramurdi, (Urruña-Donibane Lohizune).

Dantzariek zortzi bueltako fandangoa eta arin-arina dantzatu beharko dituzte. Isilkara txistulari taldea, Ixiar Jauregi eta Beñat Garzia albokariak eta Estanga anai-arreba trikitilariak izango dituzte horretan lagun agertokian.

ETBk 21.45ean emango du txapelketaren berri. Aurretik erreportaje historikoa eskainiko du.