«Hitzen gerratik haratago» Lurralde Elkargoaren inguruko adostasuna badagoela aldarrikatu du Baterak, Hautetsien Kontseiluak eta Baionako Merkatal eta Industria Ganberak (MIG) eginiko adierezpenak argitzeko asmoz.
Plataformak azaldu duenez, Estatu frantseseko Konstituzioak ez ditu «departamentu plusak» edota «ahalmen zabaleko kontseilu nagusiak» jasotzen, hau da, ez ditu Hautetsien Kontseiluak eta MIGek hurrenez hurren eginiko proposamenak jasotzen.
Hori azalduta, Lurralde Elkargoaren barne antolaketari buruz abiatuko duten eztabaidak duen garrantzia nabarmendu du plataformak. Eztabaidan, besteak beste, bozka eredua eta hautes-eremua zehaztu eta lurraldeen arteko ordezkaritza orekatuaren inguruan eztabaidatuko dute.
Marylise Lebranchu Deszentralizaziorako ministroaren bisitari begira, Baterak ez du baztertzen «gizartearen gehiengo zabal batek sostegatzen duen aldarrikapena» kalean ere defendatzea.
«Tenemos 58 personas saliendo de prisión cada día, hay que fortalecer Harrera»
Otro 20N las víctimas de la violencia del Estado interpelan a sus responsables políticos
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
