![Bilboko Kafe Antzokian Herrira mugimenduak egin duen aurkezpena. Irudiak, ekitaldian parte hartu duten hainbat kide. (Luis JAUREGIALTZO/ARGAZKI PRESS)](/media/asset_publics/resources/000/012/929/article_main_landscape/20121031_herrira_aurkezpena.jpg)
Bilboko Kafe Antzokian eginiko agerraldi batean, urtarrilaren 12an egingo den euskal preso eta iheslari politikoen manifestazioak jaso dituen lehen ekarpenak aurkeztu ditu jendartearen aurrean Herrira mugimenduak.
Aurkezpenean azaldu dutenez, herritar, eragile, sektore, profesional eta norbanako ezberdinen ekarpen ugari jasoko ditu mobilizazioak. Horien artean aurkitzen dira, besteak beste, manifestazioaren irudia, Unai Iturriagak egina eta abestia, Josu Zabalaren lana.
Musikari otxandioarrarekin batera beste hainbat musikari ezagunek hartu dute parte abestian eta hurrengo astean izango da entzungai.
Kanpainaren oinarrietako bat, ordea, Joseba Sarrionandiak eginiko olerki bat izango da, ‘Lainoa nahinora doa, baina gu herrira goaz’ izenburua duena. Iturriagaren irudia Sarrionandiaren koplatan inspiratuta egina izan da.
‘Herrira noa’ ekimen kulturala izan da aurkezpeneko beste ardatz nagusienetako bat. Gotzon Barandiaranek aurkeztu duen ekimenaren lehen parada azaroaren 18an izango da, Gernikan. Ekimen kultural honen oinarria euskal preso eta iheslariek espetxean edo deserrian sortu dituzten obrak dira eta hainbat musikari eta kulturgileek hartuko dute parte.
Azaroaren 18tik urtarrilaren 6ra bitartean luzatuko da ekimena eta Gasteizen, Villabonan eta Berriozarren egongo da ikusgai, besteak beste.
Amaia Esnal Herrirako kideak urtarrilaren 12ko mobilizazioaren izaera parte hartzaile, ireki eta masiboa aldarrikatu du ekarpenen aurkezpenean.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)