![‘Euskaraz bizi nahi dugu’ lelopean egin den manifestazioaren burua. Gari GARAIALDE / ARGAZKI PRESS](/media/asset_publics/resources/000/015/107/article_main_landscape/int000001141.jpg)
Kontseiluak deituta milaka herritarrek aho batez oihukatu dute Donostian «euskaraz bizi nahi dugu». Deialdia egiteko lelo beraren singularra, ‘euskaraz bizi nahi dut’, baliatu dute eta gaur hiriburu gipuzkoarrean elkartu direnek denen aldarrikapen bilakatu dute.
Anoeta estadio ingurutik abiatu da manifestazioa 17.30ak ondo pasata eta hiriburu gipuzkoarreko kaleak zeharkatuz eremu sozial ezberdinetako aldarrikapenak elkartu dira. Hartara, «euskaraz lan egin nahi dut», «euskaraz ikasi nahi dut», «euskaraz gozatu nahi dut», «euskaraz jolastu nahi dut» edo «euskaraz hitz egin nahi dut» leloak zeramatzaten herritarrak jarri dira manifestazioaren hasieran, baita mezu bera euskalki ezberdinetan zeramatzatenak ere. Horien atzetik pankarta nagusia eta hor manifestazioa babestu duten gizarte eragileetako ordezkariak.
Bulebarrean amaitu den manifestazioan Paul Bilbao Kontseiluko idazkari nagusiak hartu du hitza. «Gure garaia da, euskaraz bizi nahi dugunon garaia» esan du Bilbaok. BIZI, «hizki larriz», esan du Bilbaok eta horretarako erabaki ausartak eskatu dizkie, bereziki, instituzioei.
Donostian elkartu diren herritarrei lanerako deia egin die Kontseiluko idazkari nagusiak, «formula magikorik ez dago, pasioa, determinazioa eta lana baizik», esan du eta bakoitzak bere burua eragile bihurtu behar duela. Bilbaok azken esaldian laburtu du gaurkoaren xedea: «euskaraz lan, irakurri, kontsumitu, pentsatu, jolastu, maitatu, gozatu, hartu, eman, entzun... bizi nahi dugulako, ekin lanari!»
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)
Dos detenidos en Iruñea acusados de agredir a un seguidor de la selección española
![Memoriala](/media/asset_publics/resources/001/142/877/article_thumb_horizontal/memoriala.jpg)