Imanol Urbieta abeslari eta irakaslea zendu zen atzo, 83 urte zituela. Euskal kantugintzari eta hezkuntzari emandako bizitza izan da Urbietarena, eta, berekin ikasi zuen belaunaldi oso batek euskaraz abesten. Bereak dira ‘Jon Braun’, ‘Txiki txiki txikia’, ‘Kalera kalera’ eta ‘Ran Rober Ran’ abestiak, besteak beste.

Gorazarre berezia egin zioten orain bi urte Zarauzko Salbatore Mitxelena ikastolan, bertan izan baitzen irakasle. Atzo zendu ostean, sare sozialek hartu zuten lekukoa eta maisuaren izen abizenak traola bihurtuta bat-bateko omenaldia gertatu zen.

Musika mundutik zein euskalgintzatik iritsi ziren oroimen txioak.

Imanol Urbieta joan zaigu. Askok asko zor genion. Kantuan jarraituko dugu. #imanolurbieta #respect

— Berri Txarrak (@berritxarrak) 2016(e)ko irailak 28

Zenbait belaunaldiren haurtzaroko soinu-bandaren egilea hil da. Eskerrak bihotzez, #ImanolUrbieta Txoria nintzela sinistu nuen sinistu...

— Xabier Euzkitze (@XabierEuzkitze) 2016(e)ko irailak 28

Behin betiko, behin betiko, xinple bezain tinko, euskaraz ta kitto!!! Eskerrik asko, Imanol. #euskarazbizinahidut https://t.co/0nixjxYuXk

— Paul Bilbao Sarria (@paulbilbao) 2016(e)ko irailak 28

Norbanako askok parte hartu nahi izan zuten eta txikitatik memorian iltzatuta zituzten abestiak gogora ekarriz esan zioten adio Urbietari.

Behin betiko, behin betiko,
sinple bezain tinko,
ez dugu etsiko!
Euskaraz ta kitto!https://t.co/JY7NmIQObq#ImanolUrbieta

— nagorgorita (@nagorgorita) 2016(e)ko irailak 28

#ImanolUrbieta-rekin Euskal Herriko haurrak euskaraz hezi eta euskararekin hazi gara.
Eskerrik asko!https://t.co/j4yBwOUTGP

— Ikoitz #EginHerri (@iko_stx) 2016(e)ko irailak 28

Ez didazue sinistuko, baina Ranrober bat ikusi det oraintxe izarretara bidean. Eskerrik asko, #ImanolUrbieta https://t.co/TTioQMi2zN

— Inhar Olano Iradi (@xomorro) 2016(e)ko irailak 28

Txikia nintzenetik bere abestiez gozatzen... "Handitzen handitzen, hasi naiz handitzen txikia izanik..." Agur eta ohore! #ImanolUrbieta

— +Mai+ Athletic (@Maider1) 2016(e)ko irailak 28

🎼Jon Braun indio txiki bat zen, Jon Braun ...🎵 Zu joan zara, baina zure kantuen bitartez beti egongo zara euskaldunokin #ImanolUrbieta

— Ioritz Muñiz (@Ioritz_M) 2016(e)ko irailak 28