Araba, Bizkaia eta Gipuzkoako hezkuntza sistema arautzen duen legea da Euskal Eskola Publikoarena. 1993an onartu zuen Gasteizko Legebiltzarrak HB eta EAren bozken kontra. Gaur egun bolo-bolo dabil hezkuntza mugimenduan lege berri baten beharra. Baita hori lortzeko akordio zabal batena ere.
Baina, zer dakigu egun indarrean dagoen 93ko legeaz? Zein testuinguru politikotan onartu zuten? Zein izan da izan duen garapena? Balio al digu gure hezkuntza sistema propioa eraikitzeko? Galdera hauek, eta gehiago, erantzuten ahalegindu dira Tasio Erkizia, Gonzalo Larruzea, Marije Fullaondo eta Belen Arrondo EH BILDUk Gasteizen antolatutako mahai inguruan.
