Amua bota du Maite Bidartek «Nik ere sufritu dut indarkeria matxista» idatziarekin. Bertan, ausart, bere azalean sufritutako biolentzia matxistaren zortzi adibide ekarri ditu lerrootara. Twiterrera salto egin du idatziak zurrunbiloa eraginez. Emakume askok eredu hartu dute Bidarten adorea eta #NikEreSufrituDutIndarkeriaMatxista traolaren magalean lotsa eta beldurrez urteetan ezkutatutako erasoak argitara eman dituzte.

Salaketa hauen pisua itzela da, izan ere, eraso hauek ez dira Hollywoodeko kamerinoetan gertatu, gure txosna, ikastetxe, lantoki edo autobusetan baizik.

Ordu batzuk besterik ez badira igaro Bidarten lehen txiotik, handia izaten da haren mezuaren oihartzuna.

Zarauzko Euskal Jaietan (~1998) lagun baten anai zaharraren koadrillarekin topo egin ginen. Horietako batekin hitz egiten geratu nintzen t besteak aurrerago zirenean, kotxearen kontra indarrez bultzatu nindun muxu eske...#NikEreSufrituDutIndarkeriaMatxista https://t.co/gYtdT2yocX

— BikiTxu BeRRItXu (@BikitxuB) 2017(e)ko azaroak 24

Mutil bat ezagutu nuen berbena batean, egun batzuetara zerbait hartzeko geratu ginen ta handik aurrera leku guztietan agertzen zen, hara edo hona edo batekin edo bestearekin egoteagatik azalpenak eskatzen zizkiten, deiak...Maite omen ninduen #NikEreSufrituDutIndarkeriaMatxista https://t.co/7DEwSryCtg

— Nerea Kortajarena (@NKortajarena) 2017(e)ko azaroak 23

Belateko tuneletan, San Ferminetatik bueltan, mutil batek muxu eman nahi izan zidan. Leihoaren kontra nengoen eta ezin nuen ihes egin, bere lagunek gainera muxua itzuli behar niola esaten zidaten, ez uzteko horrela mutikoa... Irunen jeitsi eta Hondarribiraino oinez itzuli nintzen https://t.co/XV9OcteYSZ

— Oihana Etxebarrieta (@BetaurrekoMorea) 2017(e)ko azaroak 23

Iñauteri batzuk gogoratzen ditut bereziki, Tolosan. Parranda gau batean, tabernetan rozeak ipurdian etengabe. Barrara eskatzera joan nintzen batean, norbaitek ipurdia heldu zidan, fuerte. Begiratu, eta lan egiten nuen tabernako ohiko bezero bat zen (gizon heldu bat), irrifartsu. https://t.co/xxliIIYP5d

— Aiora (@probatxoa) 2017(e)ko azaroak 23

15 urteaz lehenengoz jun nintzen Gernika karnabaleta, tabernan lagunekin nauela mutil batek titixe ikutuzten eta alde eiban barrezka. https://t.co/7iHUD7ayvN

— Aiora (@aiour_aiori) 2017(e)ko azaroak 24

Ni neu ere Bidarten eredua jarraitu eta ausartu naiz behin gertatuta ere, askotan gogoratu eta baldintzatu nauen pasarte bat lerrootara ekartzera

Oso gaztetan pertsona desegoki batekin jarraitu nuen parrandan aske… etxeratzeko asmoa nuenean, ohartu nintzen…Ez zen ezer larria gertatu. Ordutik, baina, parrandan jarraitu nahi dudan bakoitzean, gizon horren aurpegia datorkit burura, klik bat da, alarma pizten da nire buruan https://t.co/VbabCtl3XE

— oihana llorente (@OihanaLlorente) 2017(e)ko azaroak 24

Babesa ere zabala jaso du gure #MeToo partikularrak

Hau biolentzia matxista ere bada, eta edozein emakumek emango dizkizu hainbat adibide. Ausart @maitebidarte #indarkeriamatxistarikez https://t.co/eybOR1DbDr

— Oihane Larretxea (@GARA_olarretxea) 2017(e)ko azaroak 23

Desiatu gabeko muxuak, ustekabeko eskuak ipurdi zein titietan, eraso berbalak, gerturatze lizunak, pausuak atzetik kale ilunean, putaputaputa ohiko iraina, ezetz esan ta kalientapollas.. jasan ditudanak. Emakume askoren moduan. https://t.co/X0BvMkqYGt

— Ainhoa Beola (@abeolaregi) 2017(e)ko azaroak 23

Hainbeste min ein leikien erasuek jasan biherra. Eztie lekokeriak!#NikEreSufrituDutIndarkeriaMatxista https://t.co/zjzUc0ewM3

— AMAIA (@AMUElizaran) 2017(e)ko azaroak 23

gordin eta gogor @maitebidarte Eta inguruko anitzentzat, oraindik, horiek ez dira erasoak. Horrelako testigantzak behar dira matxismoa nonahi dagoela ikusarazteko. Animo aunitz!

— Jon Abril (@jonabril) 2017(e)ko azaroak 23

Emakume denek salatu eta argitaratu beharko lituzkete beraien gertaera nazkagarri hauek, zuk nahi ez duzun zerbait egiten momentutik biolentzia matxista baita

— Mikel Etxebeste (@naparra8) 2017(e)ko azaroak 24