LEHENENGO ERA
Osagaiak 4 lagunentzat
6 brick ore. Betegarria: 2 porru, azenario bat, 600 g ganbatzar, olioa, gatza. Saltsa: tipula bat, tomate saltsa, koñaka, olioa.

Zailtasuna                             2

1. Ganbatzarrak zuritu eta txikitu.
2. Txikitutako porruak eta azenarioa olio pixka batekin erregosi.
3. Barazkiak eta ganbatzarra nahastu. Gatza bota.
4. Oreak lau zatitan moztu. Gainean nahasketa jarri, erditik tolestu eta ertzak itxi.
5. Brickak frijitu.
Saltsa honekin lagundu:
1. Eltze batean moztutako tipula olio pixka batekin erregosi.
2. Tomatea eta buruak gehitu eta arin erregosi. Koñaka pixka bat bota eta erre.
3. Urarekin estali eta 10 minutuz egosi. Buruak atera eta saltsa irabiagailuarekin nahasi.

BIGARREN ERA
Osagaiak 4 lagunentzat
6 brick ore. Betegarria: tipula bat, 2 baratxuri ale, 600 g ganbatzar, perrexila, olioa, gatza.

Zailtasuna                        2              

1. Ganbatzarrak zuritu eta txikitu.
2. Txikitutako tipula eta baratxuriak olio pixka batekin erregosi.
3. Barazkiak, txikitutako perrexila eta ganbatzarra nahastu. Gatza bota.
4. Oreak lau zatitan moztu. Gainean nahasketa jarri, erditik tolestu eta ertzak itxi.
5. Brickak frijitu eta aurreko saltsarekin lagundu.