Orain hamar urte Bilbon sortua, Blues Morning Singers taldeak Mississipiren eta Chicagoren erroei segika hasi zuen blueserako bidaia. 2021ari begira, disko berria prestatzen dabiltza, «material freskoarekin», Gaztelupeko Hotsak diskoetxetik aurreratu dutenez.
Mario Gomezek (ahotsa eta gitarrak), Carlos Jover Cuencak (harmonika eta ahotsa), Jorge Gomezek (bateria) eta Fabi Akarregik (kontrabaxua) osatzen dute Blues Morning Singers eta abesti berriei forma emateko Jorge Gomez (bateria) Javier Alzola (saxofoia) eta Alberto Trigueros (teklatua) izan dituzte lagun.
Lan berria Gaztelupeko Hotsak diskoetxean argitaratuko, EP formatuan, baina bien bitartean ‘Confusion Woman’ kantuaren bidez hasi dira ezagutzera ematen lan berria. «Soinutegi berri osoan bezala, hainbat baliabiderekin konbinatzen dituzte musikariok bluesaren erroak, generoari estutu bat gehituz. Entzun besterik ez daude, adibidez, baxu boteretsu horiek», argudiatu dute Gaztelupekotik, eta erantsi dute «ingelesezko letraz, musikaren bidez gauzak, istorioak, sentsazioak eta pentsamenduak adierazteko gogotan» datozela.
Talde bilbotarrak hamarkada darama oholtza gainean eta 2014an argitaratu zuten estreinako lana, ‘Blues Morning Singers’ izenpean. ‘Jump and Shout’ (2017) diskoarekin Chicagoko bluesetik, West Coastetik edo Jump Bluesetik jo zuen. Bidean nazioarteko hainbat jazz jaialditan aritu dira, baita etxean ere, Getxo, Hondarribia edo Burlatako jaialdietan, adibidez.
![Ezra](/media/asset_publics/resources/001/131/783/article_thumb_horizontal/ezra.jpg)
«Euskal Herrian ni naiz munduko herri guztiak bisitatu dituen bakarra»
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Europapress_6089360_reserva_biosfera_urdaibai](/media/asset_publics/resources/001/141/726/article_thumb_horizontal/EuropaPress_6089360_reserva_biosfera_urdaibai.jpg)
Los caballos vuelven a la explotación forestal para proteger el terreno y el agua en Urdaibai
![Europapress_5953078_aurora_boreal_pantano_baells](/media/asset_publics/resources/001/142/339/article_thumb_horizontal/EuropaPress_5953078_aurora_boreal_pantano_baells.jpg)
Las tormentas solares provocan la aparición de auroras boreales
![Lizarra](/media/asset_publics/resources/001/142/865/article_thumb_horizontal/lizarra.jpg)