LEHENENGO ERA
Osagaiak 4 lagunentzat
4 razioko lupia, porru bat, 2 azenario, 100 g kuiatxo, 2 orburu, tipula bat, 2 sagar, ardo zuria, olioa, gatza.

Zailtasuna                        2              

1. Lupiak garbitu eta xerrak atera. Gatza bota eta olioz igurtzi.
2. Tiratan moztutako porrua olio zurrusta batekin erregosi.
3. Tiratan moztutako azenarioak eta kuiatxoa eta zerrendatan moztutako orburuak gehitu eta erregosi.
4. Lupiak barazkiekin bete.
5. Zerrendatan moztutako tipula eta sagarrak olio pixka batekin erregosi.
6. Azpil batean tipula, sagarra eta lupiak jarri. Ardo pixka bat bota.
7. Labe beroan sartu, 200ºC-an, 8-10 minutuz gutxi gorabehera.
8. Lupiak atera eta azpileko barazkiak irabiagailuarekin nahasi.

BIGARREN ERA
Osagaiak 4 lagunentzat
4 razioko lupia, tipulina bat, 400 g perretxiko, olioa, gatza.

Zailtasuna                            2

1. Lupiak garbitu eta xerrak atera. Gatza bota eta olioz igurtzi.  
2. Txikitutako tipulina 200 ml oliorekin erregosi, su eztitan.
3. Perretxikoak garbitu eta tiratan moztu. Tipulinarekin batera jarri eta erregosi. Olioa xukatu eta gorde.
4. Lupiak perretxikoen hiru laurdenarekin bete. Azpil batean jarri.
5. Labe beroan sartu, 200ºC-an, 8-10 minutuz gutxi gorabehera.
6. Geratzen diren perretxikoak irabiagailuarekin nahasi eta gordetako olioa apurka-apurka bota eta etengabe irabiatu. Gatza bota.