Osagaiak 5 lagunentzat
700 g patata. Betegarria: tipula erdia, 2 baratxuri ale, 100 g boniato, 100 g azenario, 200 g brokoli, 200 g kuia, 150 ml esne, 2 arrautza, olioa, gatza, kurrya.  Saltsa: tipula erdia, 250 g barrengorri, 200 ml salda, olioa, gatza.

Zailtasuna                            3

Betegarria:
1. Txikitutako tipula eta baratxuriak olio pixka batekin erregosi, su eztitan.
2. Birrindutako boniatoa, kuia eta azenarioa gehitu eta minutuz batez arin erregosi. Sutatik kendu.
3. Brokolia garbitu eta birrindu. Barazkiekin batera jarri.
4. Esnea eta arrautzak irabiagailuarekin nahasi. Barazkiak gehitu eta nahastu. Behar adina gatz eta kurry bota.
Saltsa:
1. Zerrendatan moztutako tipula olio pixka batekin erregosi.
2. Barrengorriak ondo garbitu eta zerrendatan moztu. Tipulari gehitu eta erregosi.
3. Salda bota eta 10 minutuz egosi. Irabiagailuarekin nahasi eta behar adina gatz bota.
Bukatzeko:
1. Patatak zuritu eta zerrenda finetan moztu. Zartagin batean olio ugari berotu eta patatak 5 minutuz egosi, su eztitan, 60 gradutan.  Paperaren gainera atera.
2. Bost banakako molde patata zerrendekin estali.
3. Betegarria moldeetan banatu.
4. Labe beroan sartu, 170 gradutan, 25 minutuz gutxi gorabehera.
5. Moldeetatik atera eta plateretan jarri. Saltsa beroarekin lagundu.