LEHENENGO ERA
Osagaiak 4 lagunentzat
Kilo bat kardu, 2 baratxuri ale, 300 g perretxiko, 60 g hirugihar, koilarakada bat irin, 400 ml salda, perrexila, olioa, gatza.

Zailtasuna                        2               

1. Karduaren hostoak banan-banan bereizi. Ondo zuritu, 4 cm-ko pusketan moztu.
2. Presiozko eltze batean sartu eta 5 minutuz egosten utzi. Xukatu.
3. Txikitutako baratxuriak olio pixka batekin erregosi, su eztitan.
4. Perretxikoak garbitu eta zerrendatan moztu. Baratxuriei perretxikoak eta txikitutako hirugiharra gehitu eta erregosi.
5. Irina gehitu eta eragin. Pixkanaka-pixkanaka salda bota eta etengabe irabiatu. Gatza bota.
6. Karduak eta txikitutako perrexila sartu eta 2 minutuz egosi.

BIGARREN ERA
Osagaiak 4 lagunentzat
Kilo bat kardu, 2 tipulina, 300 g perretxiko, 50 g urdaiazpiko ondu, 50 g pistatxo, 300 ml salda, olioa, perrexila.

Zailtasuna                             2

1. Karduak aurreko errezetan esan dugun bezala garbitu eta prestatu.
2. Txikitutako tipulinak olio pixka batekin erregosi, su eztitan.
3. Perretxikoak garbitu eta tiratan moztu. Tipulinari perretxikoak gehitu eta erregosi.
4. Txikitutako urdaiazpikoa gehitu eta arin erregosi.
5. Karduak eta salda gehitu eta 2 minutuz egosi. Behar adina gatz bota.
Plateretan karduak jarri eta gainetik txikitutako pistatxoak eta perrexila gehitu.