![Preserbatiboak supermerkatu batean. (Martin BUREAU | AFP)](/media/asset_publics/resources/000/843/740/article_main_landscape/condones.jpeg)
Osasun Ministerio espainiarrak 14 eta 22 urte bitarteko gazte guztientzako preserbatiboak finantzatzen hasi nahi du, errenta edozein dela ere eta osasun-txartelaren bidez, «osasun publikoko oinarrizko neurri» gisa, sexu-transmisioko infekzioen (STI) hedapen kezkagarria geldiarazteko.
Monica Garcia buru duen sailak argitu duenez, oraingoz, «ez da aurreikusten» antzerako neurririk edo finantziazio partzialik ezartzea biztanleriaren gainerako geruzei zuzenduta.
Zentzu horretan, Garciak azaldu du 14 eta 22 urte bitarteko gazteak direla halako infekzioek gehien eragindakoak, eta gainera, erosteko ahalmen txikiagoa izan ohi dutela.
Oraindik aztertu behar duten arren, 14 eta 22 urte bitarteko «gazte guztiak» sartuko lirateke Osasun Ministerioaren egitasmoan. Errenta-irizpiderik jarraituko ez badute ere, hasiera batean ikasten ari direnak eta lanik ez dutenak babestu nahi lituzkete.
Osasun-txartelaren bidezko funtzionamendua aztertzen ari dira, preserbatiboak farmazietan eman diezazkieten, pandemian zehar beste osasun-produktu batzuekin egin zen bezala.
‘Sexu Transmisiozko Infekzioen Zaintza Epidemiologikoa Espainian 2022’ txostenak infekzio horien gorakadaz ohartarazi du: gonorrearen eta sifiliaren kasuan, 20 urte baino gehiagoz luzatzen ari den gorakada erregistratu dute, eta haien intzidentzia 25 eta 10 aldiz biderkatu da, hurrenez hurren; klamidia, berriz, %245 igo da 2016tik.
![Perseidak_naiz](/media/asset_publics/resources/001/145/029/article_thumb_horizontal/Perseidak_Naiz.jpg)
¿Cómo ver las Perseidas? La lluvia de estrellas que no te puedes perder
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Img_8777](/media/asset_publics/resources/001/146/094/article_thumb_horizontal/IMG_8777.jpg)
Gastronomías del mundo sobre ruedas y frente al mar
![Europapress_4590466_14_july_2022_bavaria_munich_an_employee_prepares_syringe_with_bavarian](/media/asset_publics/resources/001/146/456/article_thumb_horizontal/EuropaPress_4590466_14_july_2022_bavaria_munich_an_employee_prepares_syringe_with_bavarian.jpg)
Las claves de la nueva crisis de mpox en África, declarada emergencia internacional por la OMS
![Lur](/media/asset_publics/resources/001/146/783/article_thumb_horizontal/lur.jpg)