![GETTY IMAGES](/media/asset_publics/resources/001/134/561/article_main_landscape/vain.jpg)
LEHENENGO ERA
Osagaiak 4 lagunentzat
700 g leka, 2 patata, 16 galeper izter, arrautza bat, 4 koilarakada soja saltsa, 2 koilarakada ezti, olioa, gatza.
Zailtasuna 2
1. Izterrei gatza bota eta soja eta ezti erdiarekin nahastu. 30 minutuz beratzen utzi. Labe beroan sartu, 190 gradutan, 15 minutuz.
2. Lekeei ertzak eta alboetako hariak kendu eta tiratan moztu. Patatak zuritu.
3. Eltze bat urez bete, gatza bota, eta irakiten jarri. Lekak eta patatak sartu eta 15 minutuz egosi. Xukatu.
4. Arrautzak 8 minutuz egosi. Zuritu eta txikitu.
5. Geratzen den soja eta eztia olio zurrusta batekin berotu.
6. Plateretan lekak eta zatitutako patatak jarri eta aurreko saltsa bota. Gainean arrautza eta izterrak jarri.
BIGARREN ERA
Osagaiak 4 lagunentzat
Kilo bat leka, 16 galeper izter, tipulina bat, baratxuri ale bat, azenario bat, olioa, gatza.
Zailtasuna 2
1. Lekeei ertzak eta alboetako hariak kendu eta tiratan moztu.
2. Txikitutako tipulina, azenarioa eta baratxuriak olio zurrusta batekin erregosi, su eztitan.
3. Zartagin batean olio pixka bat berotu eta izterrak gorritu.
4. Barazkiei izterrak eta lekak gehitu eta urarekin estali. 20 minutuz egosi eta behar adina gatz bota.
![Encierro13](/media/asset_publics/resources/001/135/321/article_thumb_horizontal/encierro13.jpg)
Los Domingo Hernández se estrenan a lo Cavendish: 850 metros de tremendo sprint
![Captura_de_pantalla_2024-07-11_a_las_10.46.55](/media/asset_publics/resources/001/135/347/article_thumb_horizontal/Captura_de_Pantalla_2024-07-11_a_las_10.46.55.png)
Speed, el tiktoker con 28 millones de seguidores «corneado» por la Policía Foral en la Plaza
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Baiona-parada](/media/asset_publics/resources/001/135/821/article_thumb_horizontal/baiona-parada.jpg)
Un hombre se debate entre la vida y la muerte a causa de una pelea en Baiona
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)