LEHENENGO ERA
Osagaiak 4 lagunentzat
100gr-ko 8 legatz zati, baratxuri ale bat, 250 g perretxiko, 200 g ganba, 2 patata, olioa, gatza, perrexila.

Zailtasuna                       2               

1. Txikitutako baratxuriak olio pixka batekin erregosi, su eztitan.
2. Perretxikoak garbitu eta tiratan moztu. Baratxuriekin batera jarri eta arin erregosi. Gatza eta txikitutako perrexila bota.
3. Ganbak zuritu eta erditik moztu.
4. Patatak zuritu eta xerratan moztu. Urarekin 3 minutuz egosi.
5. Azpil batean patatak jarri. Hurrenez hurren legatza zati bat, perretxikoak, ganbak eta legatza zati bat jarri. Olioz igurtzi.
6. Labe beroan, 200 gradutan, 10-15 minutuz sartu.

BIGARREN ERA
Osagaiak 4 lagunentzat
200gr-ko 4 legatz zati, tipula bat, piper berde bat, 100 g perretxiko, 200 g ganba, olioa, gatza. Saltsa: arrautza bat, 200 ml olio, ozpina, gatza.

Zailtasuna                        2              

1. Txikitutako tipula olio pixka batekin erregosi.
2. Txikitutako piperra eta perretxikoak gehitu eta erregosi.
3. Ganbak zuritu eta txikitu.
4. Azpil batean hurrenez hurren legatza, perretxikoak, ganbak eta saltsa jarri. Labe beroan, 200 gradutan, 10-15 minutuz sartu.
Saltsa:
1. Arrautza eta ozpin tanta batzuk irabiagailuarekin nahasi.
2. Olioa apurka-apurka bota eta etengabe irabiatu. Behar adina ozpin eta gatz bota.